शब्दकैफ

शब्दकैफ.....
तू आणि शब्द,
मी दोंघांवर लुब्ध.
वाटे, पूर्व जन्मीचं संचित,
जणू, जग झालं अंकित. 
उतरवत गेले तुला, शब्दात,
मग्न मी, शब्दकैफात.
होत गेली, कविता साकार,
गोवला त्यात, तुझाही रूकार.
सुरू झालं, एक नवं पर्व,
सांगणारंच होते रे, तुला सर्व.
पण, 'मति कुंठीत प्रेमात,
अन् अवज्ञा अतिपरिचयात.'
दोघांनाही, धरलं गृहीत,
तिथेच चुकलं, गणित.
झालीच, 'ग' चीही बाधा,
कारण मी नव्हते ना रे, 'राधा' !
हो ! गाजवलाही थोडा हक्क,
तुलाही आवडंत होतं, पक्क !
मग का फिरवलीस, अशी पाठ ? 
पडत नाही रे आताशा, शब्दांचीही गाठ.
..........निलिमा देशपांडे.२१/०९/२०१८,नवीन पनवेल.